Q. මගෙන් (සත්වයාගෙන්) බාහිරව පවත්නා ලෝකයක් ඇත්ද? නැත්ද?
මෙම පැනය නිරාකරණය කරගැනීමට යොදාගතහැකි සූත්‍ර පෙන්වා දෙන්න.

A / R. “කච්චායනය, මේ ලෝවැසි තෙම බොහෝ සෙයින් ‘ඇත්තේය’ යන දෘෂ්ටියෙහිද, ‘නැත්තේය’ යන දෘෂ්ටියෙහිද පිහිටියේ වෙයි. කච්චායනය, ලෝකයේ ඇතිවීම ඇතිසැටියෙන් මනා නුවණින් දකින්නාට වනාහි ලෝකයෙහි ‘නැත්තේය’ යන යම් දෘෂ්ටියක් වේ නම් එය නොවෙයි. කච්චායනය, ලෝකයේ නැතිවීම ඇතිසැටියෙන් මනා නුවණින් දකින්නාට ලෝකයෙහි ‘ඇත්තේය’ යන යම් දෘෂ්ටියක් වේ නම් එය, නොවෙයි ….
කච්චායනය, සියල්ල ඇත යන මේ ශාස්වත දෘෂ්ටිය වනාහි එක් අන්තයකි. සියල්ල නැත යන මේ උච්ඡේද දෘෂ්ටිය දෙවෙනි අන්තයයි. කච්චායනය, මේ අන්ත දෙකට නොපැමිණ, තථාගතයන් වහන්සේ මධ්‍යම ප්‍රතිපදාවෙන් ධර්මය දේශනා කරන සේක.”