Q. අපාය දිව්‍යලෝකවල පැවැත්ම අපි බුදුන්වහන්සේ ගැන ස්‍රද්ධාවෙන් නේ පිලිගන්නේ. ඒක නිරාගමිකයෙකුට තාර්කිකව පැහැදිලි කරන්නේ කෙසේද?

A. පරාමිතිය (දිග-පළල-විස්තර) වෙනස් උණාට / අපේ අදහස ම නොවුණාට, අනිත් ප්‍රධාන ආගම් වලත්, මං දන්නා විදිහට,

1. “නිරය”
2. “අපාය”
3. “දුගතිය”
4. “නපුරු බලවේග”
5. “සාතන් / යක්ෂයා”...

1. “දිව්‍ය ලෝකය”
2. “සුගතිය / ස්වර්ගය”
3. “දෙවියන් / දෙවඟනන් අතරට යාම”
4. “බ්‍රහ්මසහවාසය”
5. “දෙව්මව් තුරුලට යෑම” ...

වැනි අපේ “අපාය / නිරය / දිව්‍ය ලෝක” හා සමගාමීව යන සංකල්ප තියනවා.
(අන්‍ය ආගමික යහළුවන් / යෙහෙළියන් අපේ කණ්ඩායමෙත් ඇති / ඉන්නවා - පොඩ්ඩක් තවදුර හොයලා බලන්න.)

ඒ නිසා (මට නම් හිතෙන්නේ), එක්කෝ අපි එයාලගේ ආගම් ගැන (පොඩ්ඩක් වත්) හරියට දන්නේ නෑ - නැත්තං, එයාලා එයාලගේ ආගම් ගැන (පොඩ්ඩක් වත්) හරියට දන්නේ නෑ කියලා.
ඒ සමගාමී සංකල්ප නිසා තවත් ලේසියි; අමුතුවෙන් ම පැහැදිලි කරන්න දෙයකුත් නෑ, අපිට තියෙන්නේ එයාලගේ ආගම්වල ම තියන, අපේ “අපාය / නිරය / දිව්‍ය ලෝක” හා සමගාමීව යන සංකල්ප වලින් ම එයාලගෙත් දෘෂ්ටිය ඍජු කරවන එක, ඒකට දක්ෂ වෙන එක විතරයි - ඒක ලොකු පිනක් අනික.