Q. එක්තරා භික්ෂුවක් තවත් කෙනෙකුට පන්ච කාමයන්ගේ ආස්වාදයක් නැතැයි කියලා කිව්වහම බුදුහාමුදුරුවෝ එම භික්ෂුවට දොස් කියනවා තථාගතයන් වහන්සේ කොහෙද පන්ච කාමයන්ගේ ආස්වාදයක් නැතැයි කියල කියල තියෙන්නෙ කියල. උන්වහන්සේ දේශනා කරනවා සත්වයා සසරට බැඳෙන්නෙ පන්ච කාමයන්ගේ ආස්වාදයක් තියෙන නිසයි කියලා. කාටහරි ඒ සූත්‍රය මතක තියනවනම් කියන්න පුලුවන් නම් බොහොම පින්.

A / R. "මහණෙනි, ඉදින් මේ රූපයන්ගේ ආශ්වාදයක් නැත්තේ නම්, සත්ත්‍වයෝ මේ රූපයන්හි නොඇලෙන්නාහුය. මහණෙනි, යම් හෙයකින් වනාහි රූපයන්ගේ ආශ්වාදයක් ඇත්තේද, එහෙයින් සත්ත්‍වයෝ රූපයන්හි ඇලෙත්. මහණෙනි, ඉදින් මේ රූපයන්ගේ ආදීනවයක් නැත්තේ නම්, සත්ත්‍වයෝ මේ රූපයන්හි නොකළකිරෙන්නාහුය. මහණෙනි, යම් හෙයකිනුත් රූපයන්ගේ ආදීනවයක් ඇත්තේද, එහෙයින් සත්ත්‍වයෝ රූපයන්හි කළකිරෙත්. මහණෙනි, ඉදින් මේ රූපයන්ගේ නිස්සරණයක් නැත්තේ නම්, සත්ත්‍වයෝ මේ රූපයන්ගෙන් නොමිදෙන්නාහුය. මහණෙනි, යම් හෙයකින් රූපයන්ගේ නිස්සරණයක් ඇත්තේද, එහෙයින් සත්ත්‍වයෝ රූපයන් කෙරෙන් මිදෙන්නාහුය."

https://pitaka.lk/main?n=241036

{https://pitaka.lk/?node=241034&coll=cs,aps
....
https://pitaka.lk/?node=241037&coll=cs,aps}