761. සිත යනු කුමක් ද? | හිත කියන්නෙ මොකක් ද?

“දසබලයන්වහන්සේ නමැති ශෛලමය පර්වතයෙන් පැන නැඟී, අමා මහ නිවන නම් වූ මහා සාගරය අවසන් කොට ඇති, ආර්ය අෂ්ටාංගික මාර්ගය නම් වූ සිහිල් දිය දහරින් හෙබි, උතුම් ශ්‍රීමුඛ බුද්ධවචන ගංගාවෝ, ලෝ සතුන්ගේ සසර දුක් නිවාලමින්, බොහෝ කල් ගලා බස්නා සේක්වා!”
❤❤❤ ❤❤❤ ❤❤❤ ❤❤❤ ❤❤❤


Q. තෙරුවන් සරණයි!

1. සිත යනු තනි දෙයක් නොව, සිත් පරම්පරාවක් ලෙස දක්වා ඇත. අප වටා ඇති සියල්ලක් සැදී ඇත්තේ සතර මහා භුත වලින් බැව්ද සත්‍යයකි.

සිත යනු එනම්, ශක්තියක් ද? (Energy) එයද සතර මහා භූතයන් ගේ ප්‍රථිපලයක්ද?

2. සැම සිත් පහළ වීමක්‌ ක්ෂණික සහ අනිත්‍ය වන්නේ නම්, ඊළඟ භවයට අප ගෙනයන්නේ එම ශක්තිය ද?

3. එමෙන්ම ක්ෂණික සිත් පහළ වීම් සහ නැතිවීම ඇතිනම්, ඇලෙන ඇලෙන සුළු ස්වභාවය සඳහා හේතු කාරක වන්නේ මතකය ද?

කාරුණික පිළිතුරු බලාපොරොත්තු වෙමි. බොහොම පිං.

A. 1. ශක්තියකි - ශක්තීන් එකතුවකි (A Collection of Energy/Energies) - ශක්ති පරම්පරාවකි; සතරමහා භූතයන්ගේ ප්‍රතිඵලයක් නොවේ.

[බලවේගයකි - බලවේග එකතුවකි - බලවේග පරම්පරාවකි; සතරමහා භූතයන්ගේ ප්‍රතිඵලයක් නොවේ.]

{ක්‍රියාවකි - ක්‍රියා එකතුවකි - ක්‍රියා පරම්පරාවකි; සතරමහා භූතයන්ගේ ප්‍රතිඵලයක් නොවේ.}

2. ඔව් - ශක්ති පරම්පරාව ඊළඟ භවයට ද ගලා යාමකි.

[ඔව් - බලවේග පරම්පරාව ඊළඟ භවයට ද ගලා යාමකි.]

{ඔව් - ක්‍රියා පරම්පරාව ඊළඟ භවයට ද ගලා යාමකි.}

3. මතකය ද ප්‍රධාන හේතුවකි - තණ්හාව ද ප්‍රධාන හේතුවකි - අවිද්‍යාව ද ප්‍රධාන හේතුවකි - කර්ම(ය) ද ප්‍රධාන හේතුවකි.


"දසබලසේලප්පභවා නිබ්බානමහාසමුද්දපරියන්තා, අට්ඨංග මග්ගසලිලා ජිනවචනනදී චිරං වහතූ!"

dhamma.lk.ingreesi.com © 2016 - 2020. Powered by Blogger.
෴ ශාක්‍යමුණීන්ද්‍රෝත්තමෝපහාර දම් පඬුර! ෴


෴ An AnglomaniA IngreesI (රාවණ යක්ඛ) and *A Bona Fide CreatioN ෴

Auto Scroll Stop Scroll