Q. පටිච්චසමුප්පාදාදී ධර්මතා ක්‍රියාත්මක වී අවසානය වීමට ගත වන කාලය එකම එක චිත්තක්ෂණයක් පැවතී අවසන් වීමට ගතවන කාලය හා සමාන ද?

A / R. (පෞද්ගලික අදහසයි) පටිච්චසමුප්පාදය,
1. ක්ෂණයක් පාසා ම,
2. භවයක් පාසා ම, ක්‍රියාත්මක වන ධර්මතාවයකි (ධර්මතා සමූහයකි).

1. ඕනෑම භවයක, ඕනෑම කාලයක, ක්ෂණයක් පාසා ම.
2. අතීත-වර්තමාන-අනාගත භව යා කිරීම් වශයෙන්.

(මම නැවත ද කියමි - මෙය මාගේ පෞද්ගලික අදහසයි)

“ස්වාමීන්වහන්ස, මේ (පටිච්ච සමුප්පාදය) හෙතු ඵල දෙශනාව පමණ ඉක්මවා ගැඹුරුවේද හෙවත් ඉතා ගැඹුරු වේද ගැඹුරු දැකුම් ඇත්තේ වේද ස්වාමීන් වහන්ස, ඒ කාරණය පුදුමයි. ස්වාමීන් වහන්ස, ඒ කාරණය ඉතා පුදුමයි. එසේ නමුත් මට නොගැඹුරුවූවක් මෙන් පහසුවූවක් මෙන් වැටහේය”

“ආනන්දය, එසේ නොකියව. ආනන්දය, එසේ නොකියව ආනන්දය, මේ (පටිච්ච සමුප්පාදය) හේතු ඵල ධර්මය ගැඹුරු වෙයි. ගැඹුරු දැකුම් ඇත්තේද වෙයි. ආනන්දය, මේ ධර්මය නොදැනීම හේතුකොට ගෙන, හොඳින් අවබොධ නොකිරීම හේතුකොටගෙන මේ සත්ව සමූහයා මීයන් විසින් කපා අවුල් කර දමනලද රෙදි වියන්නන්ගේ නූල් කැටියක් මෙන් අවුල්වී, කුරුළු කූඩුවක් මෙන් ගෙතී, තණ බිස්සක් මෙන් පැටලී සැපයෙන් පහවූ බැවින් අපාය නම්වූ නපුරු ගති ඇත්තාවූ දුක් ඇත්තාවූ සසර නොයික්මවයි.”
https://pitaka.lk/?node=16111&coll=cs,aps