Q. සතර සතිපට්ටානය තුලම වාසය කිරීමමෙන් උපරිම අවුරුදු 7කින් නිවන් සාක්ෂාත් වනබවට බුදුරජාණන්වහන්සේ ඇප වී ඇති බව අසා ඇත. සසර පාරමිතා සම්පුර්ණ නැති කෙනෙකුට වුවද එය වලංගු ද?
උදා: මම අද සිට සතර සතිපට්ටානයම වඩමින් වාසය කරම් නම්, පෙර පිං නොමැති වුවද උපරිම අවුරුදු 7න් නිවන් සාක්ෂාත් කළ හැකිද?
A. සතර සතිපට්ඨානය තබා එක් සති පට්ඨානයක් හෝ එක් විනාඩියක් “වැඩීම” පවා පහසු දෙයක් නොවේ; මන්ද පාරමිතා පසෙක තබා ගත් කල වුවද, මේ භවයේ දී ද පළමුව මනා දහම් පසුබිමක් ඇතිකර ගත යුතු බැවිනි.
[සූත්‍රයක් අනුගමනය කළ පමණින් ම භාවනාව නො වැඩේ.]
මෙකල, පාරමිතා / පෙර පිං ඇති - නැති බව දත හැක්කේ, පළමුව මනා දහම් පසුබිමක් ඇතිකර ගෙන, සතර සතිපට්ඨානය ම හෝ ඉන් එක් සති පට්ඨානයක් හෝ වැඩීම (ප්‍රයෝගික වීම) තුළින් ම පමණි.
“මහණෙනි, මම නුඹලාට සතිපට්ඨානයද සතිපට්ඨාන භාවනාද, සතිපට්ඨාන භාවනා ගාමිණී ප්‍රතිපදාවද දේශනා කරන්නෙමි. එය අසව්. මහණෙනි, සතිපට්ඨානය නම් කවරේද? ...”
“මහණෙනි, සතිපට්ඨාන භාවනාව නම් කවරේද? ...”
මහණෙනි, සතිපට්ඨාන භාවනාවට පැමිණෙන ප්‍රතිපදාව කවරීද? ...”
